Një person gjendet pa shenja jete në rrugën “Agim Ramadani”, afër stacionit të autobusëve, policia nis hetimet mbi rastin
Një person është gjetur pa shenja jete mbrëmë në rrugën Agim Ramadani afër një staconi të autobusit në Prishtinë, ka njoftuar Policia e Kosovës.
Në vendin e ngjarjes kanë dalë njësiti policor si dhe ekipi i mjekëve të cilët kanë konstatuar vdekjen e tij.
Raporti i policisë:
HETIM MBI VDEKJEN
Rr. Agim Ramadani, Prishtinë 04.09.2026-19:41. Është raportuar se në stacionin e autobusëve në rrugën e lartcekur është gjetur një person mashkull kosovar pa shenja jete. Në vendin e ngjarjes kanë dalë njësiti policor si dhe ekipi i mjekëve të cilët kanë konstatuar vdekjen e tij. Me vendim të prokurorit, trupi i pa jetë është dërguar në IML për obduksion.
