Digjet bunkeri i UÇK-së, reagon OVL e UÇK-së

Në mbrëmjen e së enjtes është dëmtuar dhe djegur bunkeri i UÇK-së në Jezerc.

E për këtë, OVL-UÇK-së në Ferizaj ka shprehur shqetësimin lidhur me dëmtimin e bunkerit.

Organizata thotë se ky veprim është i ulët dhe i turpshëm që përbën fyerje për kujtesën dhe sakrificën e gjithë dëshmorëve dhe luftëtarëve të UÇK-së.

Derisa, organizata ka thënë se do ta njoftojnë Policinë e Kosovës për këtë rast dhe kanë kërkuar që autorët të identifikohen dhe të vihen para drejtësisë.