Aksion në Ujman për rrënimin e një objekti, “Ibër Lepenci” thotë se një motel ka uzurpuar pronën

Punonjësit e ndërmarrjes publike “Ibër-Lepenci”, me asistim të Policisë së Kosovës, kanë zhvilluar aksion në zonën e Ujmanit, ku është rrethuar moteli “Jezero”.

Zëvendësdrejtori i Policisë për veriun, Veton Elshani, tha se Policia po asiston ndërmarrjen dhe Ministrinë e Mjedisit gjatë procesit.

Aksioni u zhvillua pasi skadoi afati për lirimin e pronës, të cilën “Ibër-Lepenci” e pretendon si të uzurpuar dhe të shfrytëzuar pa autorizim.