Arrestohet në pikën kufitare të Bllacës një ish pjesëtar i UÇK-së

Fadil Pushkolli, ish-pjesëtar i Ushtrisë Çlirimtare të Kosovës (UÇK), përmes një postimi në profilin e tij në Facebook, është bërë e ditur se është arrestuar në pikën kufitare Bllacë–Elez Han, në territorin e Maqedonisë së Veriut.

Sipas postimit, arrestimi është bërë në bazë të një urdhërarresti të lëshuar nga autoritetet serbe.

Në një njoftim të tij, Pushkolli ka deklaruar se është informuar se arrestimi lidhet me të kaluarën e tij si pjesëtar i UÇK-së.

“Dëshiroj t’ju njoftoj se jam arrestuar në pikën kufitare Bllacë–Elez Han, në territorin e Maqedonisë së Veriut, bazuar në një urdhër të lëshuar nga autoritetet serbe”, ka shkruar ai.

Pushkolli u ka bërë thirrje institucioneve të Kosovës që të ndërmarrin menjëherë masat e nevojshme për trajtimin e rastit dhe mbrojtjen e të drejtave të tij.

Deri më tani nuk janë bërë të ditura detaje të tjera lidhur me urdhërarrestin apo procedurat që do të ndiqen ndaj tij.