Kandidati për kryetar të Suharekës nga PDK-ja, Dardan Berisha ka publikuar listën e kandidatëve për asamblenë komunale të Suharekës.
Berisha ka thënë se kjo listë përbëhet nga njerëz të përkushtuar, dhe me integritet për t’i shërbyer qytetarëve.
Bartësi i listës është vet Berisha ndërsa në këtë listë prej 30 kandidatëve 13 prej tyre janë të gjinisë femërore.
Ndryshe zgjedhjet lokale do të mbahen me 12 tetor 2025.
Postimi i plotë i tij:
Të dashur bashkëqytetarë dhe struktura të PDK-së në Suharekë,
Partia Demokratike e Kosovës, dega në Suharekë me krenari dhe përgjegjësi bënë prezantimin e listës kandiduese për Asamblenë Komunale të Suharekës.
Kjo listë përbëhet nga njerëz të përkushtuar, me integritet dhe me dëshirë të madhe për t’i shërbyer qytetarëve tonë.
Ne jemi një ekip që e duam Suharekën dhe besojmë fuqishëm në potencialin e saj.
Na priftë e mbara.. !💙
