KQZ i jep tender për zgjedhjet e 28 dhjetorit kompanisë që shtypi fletëvotimet me gabime në balotazh

Kompania sllovene “Cetis” e cila printoi me gabime fletëvotimet e balotazhit të 9 nëntorit, është përzgjedhur sërish nga Komisioni Qendror i Zgjedhjeve për zgjedhjet e parakohshme të 28 dhjetor.

Kjo kompani për këto zgjedhje do t`i printojë fletëvotimet dhe broshurat e kandidatëve për deputetë.

Sipas njoftimit për dhënie të kontratës, që figuron në faqen “e-prokurimi”, vlera e kontratës është mbi 275 mijë euro.

Kemi kontaktuar edhe me Komisionin Qendror të Zgjedhjeve dhe jemi në pritje të një përgjigje.