Arrestohet një person në Prizren, dyshohet për krime lufte kundër popullsisë civile gjatë vitit 1999
Një person është arrestuar më 06.06.2026 në Prizren nën dyshimet se në bashkëveprim me një zyrtar policor të MUP-it serb ka kryer krime lufte kundër popullsisë civile.I arrestuari dyshohet se këto krime i kishte kryer gjatë periudhës 24.04.1999 deri më 26.05.1999.
Kështu bëri të ditur Policia e Kosovës më 07.06.2026.
Organet e rendit kanë njoftuar se me vendim të prokurorit, i dyshuari pas intervistimit është liruar në procedurë të rregullt. Tutje, Policia sqaroi se rasti është duke u hetuar.
“Me datë 06.06.2026 është arrestuar i dyshuari mashkull/kosovar nën dyshimin se i njëjti në bashkëveprim me zyrtar policor të MUP-it serb, gjatë periudhës së cekur kohore ka kryer veprën e cekur. Me vendim të prokurorit, i dyshuari pas intervistimit është liruar në procedurë të rregullt. Rasti duke u hetuar.”, shkruhet në raportin policor.
