Blerina Maloku e pakapshme për policinë prej një muaji, kërkohet për vepra që lidhen me lëndë narkotike
22 vjeçarja Blerina Maloku nga fshati Samadrexhë i Vushtrrisë vazhdon të jetë në kërkim tash e një muaj nga autoritetet e rendit, nën dyshimin për përfshirje në veprimtari të paligjshme që lidhen me narkotikët.
Me autorizim të Prokurorisë Themelore në Pejë, Departamenti për Krime të Rënda, Policia e Kosovës e ka shpallur në kërkim të dyshuarën, ndërsa publikimi i fotografive të saj është bërë në kuadër të hetimeve që po zhvillohen.
Sipas njoftimit zyrtar, Blerina Maloku dyshohet se, në cilësinë e bashkëkryerëses, ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Maloku, e lindur më 21 shkurt 2004 dhe me vendbanim në fshatin Samadrexhë të Vushtrrisë, vazhdon të mbetet e pakapshme për organet e rendit prej më shumë se një muaj. Policia kerkon ndihmë nga qytetarët për çdo informacion rreth saj, të lajmërohen në çdo stacion të afërt, të Policisë së Kosovës.
