Vjedhje e rëndë në Pejë 27 vjeçarja raporton se iu morën 94 mijë franga zvicerane nga valixhja

Një vjedhje me vlerë të konsiderueshme është raportuar së fundi në rajonin e Pejës, ku një 27-vjeçare ka denoncuar zhdukjen e 94 mijë frangave zvicerane.

Sipas kallëzimit të saj, shuma e parave është marrë nga valixhja, ndërsa rasti tashmë është në duart e organeve të hetuesisë.

Zëdhënësi i Prokurorisë Themelore në Pejë, Shkodran Nikçi, ka konfirmuar se pas pranimit të rastit janë ndërmarrë menjëherë veprimet e para hetimore në bashkëpunim me hetuesit rajonalë të Policisë së Kosovës.

Ai bëri të ditur se Prokuroria dhe Policia po punojnë intensivisht për zbardhjen e plotë të rastit dhe identifikimin e autorit apo autorëve të mundshëm. Hetimet lidhur me këtë vjedhje janë ende në vazhdim.