Ngjarja e rëndë e ndodhur në burgun e Dubravës, Prokuroria: Është inicuar rast për tre persona

Një person dyshohet se është dhunuar seksualisht nga tre persona të tjerë në Burgun e Dubravës.

Zëdhënësi i Prokurorisë Themelore në Pejë, Shkodran Nikçi tha se viktima ka pranuar tretman mjekësor, kurse ndaj të dyshuarve u inicua rast për veprën e rëndë penale “Dhunimi”.

Në Qendrën Korrektuese të Dubravës, përkatësisht në Burgun e Dubravës dyshohet një vepër penale e rëndë, bëhet fjalë për veprën penale dhunimi, në këtë rast tre persona dyshohet se e kanë kryer këtë vepër penale. Është inicuar rast për veprën penale “Dhunimi”, kurse viktima ka marrë tretmanin e duhur mjekësor dhe me urdhër të Prokurorit të Shtetit është dërguar për ekzaminim”, tha ai.