Ngjarje e rëndë në këndin e lojërave në Prishtina Mall një burrë godet një fëmijë 7-vjeçar, rasti u zbulua pas kontrollit të kamerave të sigurisë

Një incident ka ndodhur në këndin e lojërave në qendrën tregtare “Prishtina Mall”, ku një person dyshohet se ka sulmuar fizikisht një fëmijë 7-vjeçar.Ngjarja ka ndodhur në prani të fëmijëve të tjerë, ndërsa pamjet e kamerave të sigurisë, të kontrolluara më pas nga menaxheri i këndit të lojërave, kanë ndihmuar në zbardhjen e rrethanave të rastit.

I dyshuari është K.F 35 vjeçar, i cili dyshohet se e ka sulmuar fëmijën me duar dhe këmbë, pas një përleshjeje të çastit mes disa fëmijëve që po luanin. Ngjarja ka ndodhur më 1 nëntor, rreth orës 20::00 në këndin e lojërave brenda qendrës tregtare.

Dyshohet se disa fëmijë ishin përfshirë në një përleshke gjatë lojës, kur një person i rritur, që ndodhej pranë tyre, kishte vrapuar drejt njërit prej fëmijëve.

Nga pamjet e kamerave të sigurisë, sipas denoncimit, dyshohet se burri e sulmoi fizikisht 7-vjeçarin, duke e goditur me duar dhe këmbë edhe pasi fëmija kishte përfunduar në dysheme.

Pas incidentit, personi i dyshuar ishte larguar nga vendi ngjarjes.Ngjarja u zbulua nga menaxheri pasi i kishte kontrolluar kamerat dhe kishte njoftuar policinë pas marrjes së provave.

Raszi u zbulza me 2 nëntor, kur menaxheri i këndit të lojërave, G.L. 31 vjeçar , ka njoftuar Policinë për incidentin, pasi kishte shqyrtuar pamjet e kamerave të sigurisë.Hetuesit kanë nisur mbledhjen e informatave dhe identifikimin e personave të përfshirë, ndërkaq konfirmohet se i dyshuari është arrestuar nga policia ku më pas është arrestuar dhe është ndaluar për 48 orë.

Ndërkaq hetimet lidhur me rastin janë në vazhdim.