Super sulmuesi Altin Shala është larguar nga ekipi FC Behar dhe tani është lojtar i lirë.
Shala ka pasur super paraqitje në këtë sezonë tek ekipi FC Behar.
21 vjeçari në këtë sezonë ka shënuar 28 gola si dhe 10 asiste.
Përmes një postimi në rrjetin e tij social Facebook, Shala ka shkruar që nuk është më pjesë e FC Behar.
“Të dashur miq, rrugëtimi im me FC Behar ka përfunduar.
Për një sezon që isha pjesë e tij kam kontribuar me 28 gola dhe 10 asiste.
Faleminderit trajnerit Miftar Rama bashkë me stafin e tij,Driton Toverlani,presidentit Asmir Zekiq si dhe bashkëlojtarëve për këtë sezon që e kaluam së bashku duke i’u dëshiruar suksese tutje”, ka shkruar Shala.
Tutje ai ka thënë se tani është koha për sfida të reja.
Shala për një prononcim për TandemPress ka thënë që është duke u kërkuar nga 4 skuadra të Superligës së Kosovës.
“Për shërbimet e mia kanë shprehur interesim 4 skuadra të Superligës së Kosovës”, tha Shala.
Mbetet të shihet se kush do ti merrë shërbimet e sulmuesit 21 vjeçar./TandemPress/
