Dhoma e Tregtisë dhe Industrisë shpreh shqetësim për rritjen e çmimit të derivateve: Kjo gjendje sipas tyre ushtron presion mbi bizneset, konsumatorët dhe fermerët

Dhoma e Tregtisë dhe Industrisë Kosovë shpreh shqetësimin për rritjen e sërishme të çmimeve të derivateve, e cila po shton presionin mbi bizneset, fermerët dhe konsumatorët, dhe po rrit kostot e operimit në pothuajse të gjithë sektorëte ekonomisë.

Që nga fillimi i krizës, DHTIK ka kërkuar mbajtjen e një tryeze të përbashkët ndërmjet institucioneve dhe përfaqësuesve të komunitetit të biznesit, me qëllim që të analizohen ndikimet e rritjes së kostove dhe të prezantohen propozime konkrete për përballimin sa më të lehtë të situatës. Megjithatë, deri më tani nuk ka pasur gatishmëri të mjaftueshme institucionale për realizimin e një takimi të tillë.

Ndikimi i rritjes së çmimeve të derivateve është veçanërisht i ndjeshëm në një kohë kur bizneset vazhdojnë të përballen me reduktime të energjisë elektrike. Për një pjesë të ndërmarrjeve, veçanërisht ato prodhuese, ndërprerjet e energjisë i detyrojnë të përdorin gjeneratorë për të vazhduar procesin e punës, duke krijuar shpenzime shtesë për blerjen e derivateve.

Theksojmë se gjatë javëve të fundit në Kosovë pas heqjes së kufizimit të çmimit nga MINT- litri për naftën ka shkruar në 1.94cent.