Nis seanca për çmimin dhe faturimin e rrymës, Haxhiu kritikon deputetët për vonesa

Ka filluar seanca e jashtëzakonshme e thirrur nga Partia Demokratike e Kosovës për çmimin dhe faturimin e rrymës.

Seanca ka filluar me disa minuta me vonës, gjë që u kritikua nga kryetarja Albulena Haxhiu e cila ka bërë thirrje që grupet parlamentare të sigurojnë pjesëmarrjen e deputetëve në sallë për fillimin e seancës.

Haxhiu u shpreh se, me rastin e pranimit të kërkesës për këtë seancë ka anuluar të gjitha aktivitetet e saj për të respektuar procesin parlamentar dhe rëndësinë e mbajtjes së seancës.

“Është e rëndësishme që deputetët të jenë këtu dhe të vazhdojmë me seancën,” tha ajo.

Ajo shtoi se seanca nuk mund të nisë pa praninë e thirrësit të saj, përveç nëse përfaqësues të opozitës, përfshirë Vlora Çitaku ose Ganimete Musliu, apo ndonjë deputet tjetër i opozitës, marrin përsipër të flasin për çështjen në fjalë.