Personi që u gjet i vdekur në Marinë të Skenderajit është një burrë 65 vjeçar, rasti i vdekjes po hetohet
Një person u gjet pa shenja jete pasditen e sotme në Marinë të Skenderajit.
Lajmin e ka konfirmuar zëdhënësi për Rajonin e Mitrovicës, Avni Zahiti. Sipas tij, viktima është i moshës 65-vjeçar.
“Sot, rreth orës 16;25 është raportuar se në fshatin Marine të Skenderajt është gjetur pa shenja jete një mashkull, rreth 65 vjeç”, tha Zahiti.
Ai ka shtuar se në vendin e ngjarjes kanë dalë njësitë përkatëse policore dhe ekipi mjekësor, i cili ka konstatuar vdekjen.
“Me vendim të prokurorit, trupi i pajetë është dërguar për obduksion. Rasti është duke u hetuar”, tha ai.
