Policia në Istog kap 26 vjeçarin me armë në veturën e tij Mercedes, arrestohet nga policia

Nga një kontrollë rutinë nga Policia në Istog, është arrestuar N.B 26 vjeçar në rrugën Nënë Tereza.

Rasti sipas policisë ka ndodhur rreth orës 23:00, të datës 5 shtator.

Gjatë kontrollimit të dokumenteve dhe veturës Mercedes të 26-vjeçarit, zyrtarët policorë dyshohet se i kanë gjetur në brez një pistoletë Zoraki 917-T, së bashku me tetë fishekë të kalibrit 9 mm.

Me urdhër të prokurorit, ndaj tij është iniciuar rast për “Mbajtje në pronësi, kontroll ose posedim të paautorizuar të armës”, ndërsa të dyshuarit i është caktuar masa e ndalimit prej 48 orësh.

Nderkaq rasti po hetohet për procedurat e mëtejshme ligjore ndaj të dyshuarit.