Prishtina mbushet me plotë protestues dhe në natën e 13-të të protestës

Kjo është nata e 13-të radhazi që protestuesit mblidhen në sheshin “Skënderbeu”, ndërsa organizatorët kanë paralajmëruar se protestat do të vazhdojnë.

Protestuesit po kërkojnë veprime më konkrete, ndërsa Kuvendi i Kosovës sot miratoi me 99 vota një deklaratë të përbashkët për hartimin e një strategjie shtetërore lidhur me veprimet juridike, institucionale dhe diplomatike.

Ish-krerët e UÇK-së u dënuan më 16 shtator me gjithsej 81 vjet burgim. Aktgjykimi mund të apelohet, ndërsa avokatët kanë paralajmëruar ankesat.

Ndërkohë, PDK-ja po kërkon ndryshimin e ligjit për Gjykatën Speciale.