57-vjeçarit në Ferizaj i konfiskohet një armë dhe nëntë fishekë

Një armë dhe nëntë fishekë janë sekuestruar më 31.10.2026 gjatë kontrolleve në pronat e një të dyshuari në rrugën “Fehmi Agani” në Ferizaj.

Sipas njoftimit të Policisë të datës 31.10.2026, njësiti i hetimeve i Stacionit Policor në Ferizaj ka ndërmarrë veprime hetimore rreth orës 12:00, pas pranimit të informatave se i dyshuari posedonte armë zjarri.

Policia ka bërë të ditur se janë kontrolluar dy prona të të dyshuarit XH.B., 57-vjeçar. Në njërën prej tyre janë gjetur dhe sekuestruar arma dhe nëntë fishekë.

Me autorizim të prokurorit të shtetit, është iniciuar rast për veprën penale “Mbajtja në pronësi, kontroll ose posedim të paautorizuar të armëve”.