Rasti “Capat dhe Sekiraqët” mjeku ligjor dëshmon në gjykatë: Vrasja e Premtim Gashit ishte e dhunshme dhe e shoqëruar me gjakderdhje

Në Gjykatën Themelore në Prishtinë po vazhdon seanca në rastin e njohur si “Capat dhe Sekiraqët”, ku sot dëshminë e tij po e jep eksperti mjekoligjor Valon Hyseni.

Hyseni është ftuar nga prokuroria për të dëshmuar lidhur me ekspertizën mjekoligjore për vdekjen e Premtim Gashit.

Sipas deklarimit të ekspertit, vdekja e Gashit ishte e dhunshme dhe e shoqëruar me gjakderdhje.

Gjatë dëshmisë së tij, eksperti mjekoligjor ka dhënë detaje edhe për plagët e konstatuara në trupin e të ndjerit, si edhe gjetjet e tjera të ekspertizës.

Ndërkohë, para fillimit të dëshmisë së ekspertit, gjyqtarja ka refuzuar kërkesën e avokatit Kadri Mjekiqi.

Seanca po vazhdon me dëshminë e ekspertit mjekoligjor Valon Hyseni.