Fortuna e madhe la pesë shtëpi të fshatit Jelloc pa rrymë

Pesë shtëpi të lagjes Deskaj të fshatit Jelloc të Klinës që pesë ditë kanë mbetur pa energji elektrike.

Kjo gjendje ua ka vështirësuar kryerjen e funksioneve ditore.

Këtë shqetësim për Klankosova.tv e shprehu një banor i këtij fshati.

“Që pesë ditë jemi pa rrymë. Kemi mbetur pesë shtëpi të lagjes Deskaj. Unë për vete i kam 50 krerë lopë dhe duhet me nxjerr ujin nga thellësia prej 50 metrash nën tokë. Askush nuk merret me hallet tona. Nuk po dimë më çka me ba. Për 5 minuta punë, kemi mbetur pa rrymë krejt këto ditë, shtoi ai.

I njëjti thotë se kjo gjendje vie si pasojë e fortunës së madhe e cila goditi Kosovën të hënën e që shkaktoi dëme të konsiderueshme e po ashtu një viktimë.

Si pasojë e erërave të forta është prishur një siguresë.