
Dy biznese në Lipjan janë shkyçur nga rrjeti i ujësjellësit nga Kompania Rajonale e Ujësjellësit “Prishtina”, për shkak të borxheve të papaguara.
Sipas njoftimit të KRU “Prishtina”, njëri nga bizneset kishte grumbulluar borxh prej 39 mijë eurosh, ndërsa biznesi tjetër kishte 800 euro obligime të papaguara.
Kompania ka bërë të ditur se po vazhdon të ndërmarrë masa ndaj konsumatorëve që nuk i shlyejnë detyrimet për shërbimet e ujësjellësit.
Shkyçja e këtyre dy bizneseve vjen si masë ndaj mospagesës së faturave, ndërsa shuma e borxhit të njërit prej tyre arrin në 39 mijë euro.



