Fshirja e grafiteve që nderojnë Ratko Mlladiqin u bë me vendim të Ilir Pecit, e konfirmon vetë kryetari

Kryetari i Zveçanit, Ilir Peci, ka njoftuar se, me vendim të tij, janë fshirë grafite të vendosura në këtë qytet, që nderon kriminelin e luftës së Bosnjës, Ratko Mlladiqin.

Ai ka paralajmëruar së në komunën që e drejton, nuk do të lejojnë simbole që glorifikojnë krimet e luftës dhe nxisin urrejtje.

Postimi i plotë:

NJOFTIM

Sot, si Kryetar i Komunës së Zveçanit, kam marrur një vendim të rëndësishëm për heqjen e fotografisë të Ratko Mlladiq, një figurë e njohur për përfshirjen e tij në krime lufte, që është vendosur në muret e qytetit tonë. Ky është një hap konkret për të eliminuar çdo simbol të dhunës dhe urrejtjes nga hapësirat publike dhe për të garantuar se qyteti ynë mbetet një vend paqeje dhe harmoni për të gjithë banorët, pa dallime kombëtare apo etnike.

Ky vendim është një mesazh i qartë dhe i fortë: glorifikimi i krimeve të luftës dhe nxitja e urrejtjes nuk ka vend në qytetin tonë.
Zveçani është një qytet i pasur me diversitet dhe ne e vlerësojmë çdo individ, pa marrë parasysh kombësinë ose origjinën e tij.