Hetuesit policorë nga Prizreni sekuestruan armë në Ferizaj
Gjatë ditës së djeshme rreth orës 16:30, në nënstacionin policor në Reçan, Prizren, është paraqitur një ankues i cili ka raportuar se vëllai i tij, si pasojë e një mosmarrëveshjeje lidhur me bizneset e tyre, e kishte kanosur
Pas konsultimit me Prokurorin kujdestar të Departamentit të Përgjithshëm, hetuesit nga Sektori i Hetimeve të Stacionit Policor të Prizrenit, me urdhër të prokurorit, kanë zhvilluar kontrolle në dy vendbanimet e të dyshuarit: një banesë në Ferizaj dhe një shtëpi në fshatin Koshare të Ferizajit.
Gjatë kontrollit, ndër të tjera, janë konfiskuar edhe këto sende:
- 1 pushkë gjuetie
- 31 fishekë të pushkës së gjuetisë
- 1 karikator i zbrazur i pushkës së gjuetisë
- 1 pushkë ajrore e dëmtuar, pa shënime identifikuese
Pas konsultimit me Prokurorin kujdestar, është iniciuar rasti për veprat penale:
- “Kanosja”
- “Mbajtje në pronësi, kontroll ose posedim të paautorizuar të armëve”
I dyshuari B. SH. rreth 34 vjeçar është ndaluar për 48 orë me urdhër të Prokurorit kujdestar.
