Arrestohet një person në Skenderaj, ndaj tij ishte lëshuar arresti ndërkombëtar nga Gjermania
Një person është arrestuar në Skenderaj pasi rezultonte i kërkuar me urdhërarrest ndërkombëtar të lëshuar nga autoritetet gjermane.
Sipas Policisë së Kosovës, arrestimi është bërë rreth orës 17:46 në rrugën “Presheva”, ku gjatë verifikimit rezultoi me urdhërarrest aktiv të lëshuar përmes ILECU-së me kërkesë të autoriteteve të Gjermanisë.
Me vendim të prokurorit kujdestar, i dyshuari është dërguar në qendrën e mbajtjes për 48 orë, ndërsa procedurat e mëtejshme do të zhvillohen në përputhje me procedurat ligjore
