
Në mesin e personave të arrestuar në kuadër të operacionit antidrogë “Heshtja” është edhe ish-ministri Astrit Haraqija.
Sipas informacioneve të publikuara nga gazeta Sinjali , në mesin e të arrestuarve janë edhe Jeton Stanovci, Albana Xhemajli-Ramadani, Alban Maloku, Gëzim Feka dhe Baftije Feka.
Operacioni policor është zhvilluar më 14 nëntor në rajonin e Prishtinës, ku janë sekuestruar rreth 1.6 kilogramë kokainë, afërsisht 16 mijë euro para të gatshme, disa automjete luksoze, ora, telefona, pajisje elektronike, armë zjarri dhe municion.
Vlera e përgjithshme e pasurisë së sekuestruar raportohet të jetë rreth 301 mijë euro.
Rasti është duke u hetuar nga organet e drejtësisë.
Të gjithë personat e përmendur konsiderohen të pafajshëm derisa fajësia e tyre të vërtetohet me vendim të formës së prerë nga gjykata.



