Moti i ndryshueshëm në Kosovë, me diell dhe reshje lokale shiu

Instituti Hidrometeorologjik i Kosovës ka njoftuar se gjatë ditës së sotme mbi vendin tonë do të mbajë mot i ndryshueshëm, i shoqëruar me intervale me diell dhe vranësira.

Sipas parashikimeve, vranësirat vende-vende mund të sjellin edhe riga lokale shiu, kryesisht në disa zona të caktuara të vendit.

Temperaturat minimale do të lëvizin ndërmjet 6 dhe 9 gradë Celsius, ndërsa ato maksimale pritet të arrijnë nga 18 deri në 21 gradë Celsius.

Ndërkaq, era do të fryjë nga drejtimi verilindor me shpejtësi prej 1 deri në 8 metra në sekondë.