Policia jep detaje për plagosjen me armë zjarri në Fushë Kosovë

Një person është plagosur me armë zjarri mbrëmjen e së martës në Fushë Kosovë, pas një mosmarrëveshjeje.

Sipas Policisë së Kosovës, i dyshuari ka shtënë në drejtim të viktimës, e cila është dërguar për trajtim në QKUK.

Në vendin e ngjarjes është sekuestruar një gëzhojë, ndërsa i dyshuari ndodhet në arrati.

“Fushë Kosovë 15.07.2026, 20:38. Është raportuar se pas një mosmarrëveshje, i dyshuari mashkull kosovar me armë zjarri kishte shtënë në drejtim të viktimës mashkull kosovar. Në vendin e ngjarjes është gjetur dhe sekuestruar një gëzhojë e pistoletës. Viktima është dërguar për tretman mjekësor në QKUK, Prishtinë, ndërsa i dyshuari gjendet në arrati”, thuhet në raportin 24 orësh të PK.