15 fshatra të Klinës do të mbesin sot pa rrymë për gjashtë orë

KEDS ka njoftuar se sot, më 5 nëntor 2026, do të ketë ndërprerje të energjisë elektrike në 15 lokalitete të Komunës së Klinës.

Ndërprerja do të zgjasë nga ora 08:00 deri në 14:00 dhe do të përfshijë daljen 10 kV J11 Klinavci nga NS 110/10 kV Klina.

Lokalitetet që do të mbesin pa energji elektrike janë:

Klinavc, Gjurgjevik i Vogël, Kernicë, Shtupel, Bingjë, Grapc, Leskoc, Krushevë e Vogël, Radulloc, Pataqan, Zllakuqan, Krushevë e Madhe, Ranoc, Berkovë dhe Rudicë.

Sipas KEDS-it, ndërprerja bëhet për shkak të mirëmbajtjes preventive dhe përmirësimit të defekteve të identifikuara përmes dronit, me qëllim të rritjes së sigurisë dhe qëndrueshmërisë së rrjetit elektrik.