Zgjedhjet në Kosovë, Terras: Duhet t’i japin fund bllokadës që i kushtoi vendit miliona nga BE-ja

Raportuesi i Parlamentit Evropian për Kosovën, Riho Terras, ka reaguar një ditë pas mbajtjes së zgjedhjeve të parakohshme parlamentare.

Terras vlerëson se rezultatet e zgjedhjeve në Kosovë duhet më në fund t’i japin fund bllokadës politike, e cila i ka kushtuar Kosovës miliona euro nga financimet e BE-së.

Ai thekson se kryeministri në detyrë Albin Kurti, tani ka një mandat të qartë dhe përgjegjësi për të qeverisur në mënyrë më pragmatike.

“Rezultatet e zgjedhjeve në Kosovë duhet më në fund t’i japin fund bllokadës politike, e cila i ka kushtuar vendit miliona euro nga financimet e BE-së. Kryeministri Albin Kurti tani ka një mandat të qartë dhe përgjegjësi për të qeverisur në mënyrë më pragmatike”, ka shkruar Terras në rrjetin social “X”.